As fake news non son un fenómeno novo: os gobernos, os partidos políticos, os medios de comunicación e as grandes corporacións ou os monopolios de información equivalentes a cada época sempre fixeron un uso interesado. Non é sospeitoso, pois, que as políticas e as reformas normativas que se están propoñendo para combatelas criminalicen as novas tecnoloxías e non os medios tradicionais? E en lugar de cortar o problema de raíz, pretendan impor aos cidadáns recortes na liberdade de expresión e información?

#FakeYou expón investigacións que desmontan os mitos nos que se respalda esta ola de lexislacións liberticidas. Este documento aspira a converterse nunha ferramenta de defensa contra os recortes das liberdades fundamentais e unha arma contra as novas formas de manipulación, mentira e falsificación.